XALQARO XOTIN-QIZLAR BAYRAMI MUNOSABATI BILAN REKTOR TABRIGI!

Avvalo, Siz azizlarni, sizlarning timsolingizda oilangizdagi barcha xotin-qizlarni 8-mart – “Xalqaro xotin-qizlar kuni” munosabati bilan chin qalbimdan muborakbod etaman. Yangi O‘zbekistonimizning buyuk kelajagini barpo etish, Uchinchi Renessans bunyodkori bo‘lgan yosh avlodni tarbiyalash yoְ‘lida tinmay xizmat qilayotgan, umrini ilm-u ma’rifat ulashishga hamda ilmning yangi cho‘qqilarini zabt etishga baxshida qilayotgan siz, azizlarni bugungi go‘zal ayyom bilan chin dildan qutlayman!

Biz bu qutlug‘ bayramni hamisha ko‘tarinki ruh va quvonch bilan orziqib kutamiz. Chunki bu shukuhli ayyom yurtimizga yasharish va yangilanish faslini yetaklab kelish barobarida maftunkor va go‘zal ayollarimizning go‘zallik ayyomlarini ham bizga tuhfa etadi. Zero, bu bilan dunyoning barcha go‘zalligi onalarimiz va ayollarimizning latofati bilan boshlanishini ko‘z-ko‘z qilayotgandek go‘yo.

Bugun har birimiz cheksiz minnatdorlik hissi bilan Yaratganning buyuk mo‘jizasi bo‘lgan ayol zotiga – mehribon onalarimiz, qadrli opa-singillarimiz, lobar qizlarimiz shaʼniga eng go‘zal so‘zlarni aytishimiz tabiiydir.

Shuningdek, jamoamiz a’zolari bo‘lgan ustoz ayollarimiz va talaba qizlarimiz tomonidan qisqa muddat ichida ham ko‘plab yutuqlar qo‘lga kiritilganligini shu o‘rinda alohida ta’kidlab o‘tishni joiz deb hisoblayman. Xususan, ustoz-ayollarimiz 5 ta darslik majmualarini va 3 ta o‘quv qo’llanmalarini yaratgan holda, talaba-qizlarimiz esa muhtaram Prezidentimiz tomonidan ilgari surilgan “Besh tashabbus” doirasida tashkil etilgan sportning “Voleybol”, “Stol tennisi”, “Basketbol”, “Shaxmat va shashka” sport musobaqalarida, “Zakovat” intellektual o‘yinlarida faol ishtirok etib, o‘zlarining naqadar salohiyatli ekanliklarini namoyish etdilar. 30 dan ortiq talaba-qizlarimiz esa ijodiy faoliyatlarini yo‘lga qo‘yib, universitetimizning ijod yo‘nalishidagi yutuqlarini yanada oshishida o‘z hissalarini qo‘shmoqdalar.