Oʻzbekiston yoshlar ittifoqi Namangan viloyati Kengashi hamda viloyatdagi Oliy taʼlim muassasalari bilan hamkorlikda Namangan muhandislik-qurilish institutida “Oliy taʼlim muassasalaridagi boshlangʻich tashkilotlar faoliyati samaradorligini oshirish uchun oʻquv-seminar” tashkil etildi.

O‘quv mashg‘ulotlari taniqli jurnalistlar va yetakchilar tomonidan qiziqarli, bahs munozaralarga boy tarzda o‘tkazildi. Tadbirda, yoshlar yetakchilari eng avvalo, liderlik va o‘z ortidan ergashtira oluvchi rahbarlik qobiliyatiga ega bo‘lishlari kerakligi ta’kidlandi.

Seminarda boshqa oliygoh talabalari qatorida UBS’ning yoshlar yetakchisi Abror Rafiqov ham ishtirok etib, Oʻzbekiston yoshlar ittifoqi Namangan viloyati kengashi tomonidan ishonch yorlig‘i bilan taqdirlandi.