“University of Business and Science” va Ural davlat iqtisodiyot universiteti o‘rtasida Memorandum imzolandi

Kuni kecha oliygohimizga Ural davlat iqtisodiyot universitetidan Aleksandr Kurdyumov (Davlat, munitsipal boshqaruvi va huquq instituti direktori) boshchiligidagi rasmiy delegatsiya tashrif buyurdi.

Delegatsiyani rektorimiz Karimjon Boymirzayev va prorektorlarimiz kutib olishdi.

Uchrashuv davomida delegatsiya vakillari universitetimizning faoliyati bilan yaqindan tanishib, hamkorlik aloqalari bo‘yicha Memorandum imzolashdi.

Ushbu Memorandumda quyidagilar aks etdi:

-Qo‘shma ta’lim dasturlari va ilmiy dasturlarni ishlab chiqish va amalga oshirish;

-Talabalar, o‘qituvchilar va ushbu shartnoma taraflarining boshqa xodimlarining akademik harakatchanligini rivojlantirish uchun shart-sharoitlar yaratish;

-Fundamental va amaliy-ilmiy tadqiqotlar olib borish, innovatsion faoliyatni birgalikda amalga oshirish;

-Xalqaro tashkilotlar faoliyatida va xalqaro ta’lim, ilmiy-tadqiqot va ilmiy-texnik loyihalar, kongresslar, simpoziumlar, konferensiyalar, seminarlarda ishtirok etish, ularni mustaqil ravishda o‘tkazish hamda o‘quv va ilmiy adabiyotlar almashinuvi.