Xalqaro hamkorlik kengaymoqda

“University of Business and Science”ning nafaqat mahalliy, balki xalqaro aloqalari ham kengayib borayotganidan xabaringiz bor.

Oliygohimizga Turkiyaning Global Testing Xalqaro Ta’lim standartlari jamiyati direktori Emin Atli janoblari tashrif buyurdi. Tashrif davomida universitetimiz shart-sharoitlari, dars jarayonlari va talabalar bilan tanishdi.

- Ushbu hamkorlik talabalarimizning xorijiy til sertifikatlarini olishda qulaylik yaratish, Turkiyaning nufuzli universitetlari bilan talabalar almashinuvi dasturlari va boshqa ilmiy-ta’limiy masalalarda katta ahamiyatga egadir.

Emin Atli janoblari universitetimizning ilmiy salohiyatini yuqori baholab, o‘zaro hamkorlikni yanada rivojlantirish niyatini bildirdilar. Bu tashrif, shuningdek, talabalarimizga turli xalqaro ilmiy va ta’lim dasturlarida ishtirok etish imkoniyatlarini yaratadi. Hamkorlikning yanada kengayishi orqali oliygohimizning xalqaro nufuzini oshirishga katta hissa qo‘shiladi.