UBS Ingliz tili va adabiyoti kafedrasi o‘qituvchisi Hasanboy Qodirjonov Erasmus Mundus xalqaro dasturi doirasida Italiyaning nufuzli Pisa universitetida ilmiy stajirovka o‘tamoqda.

Tadqiqot ishlari bilan birga, Qodirjonov kelajakda UBS va Pisa universiteti o‘rtasida ilmiy hamkorlikni yo‘lga qo‘yish, memorandumlar imzolash niyatida. Bu hamkorlik ikki universitet o‘rtasidagi ilmiy aloqalarni yanada rivojlantirishi kutilmoqda.

Shuningdek, Qodirjonovning Pisa universitetidagi ilmiy tadqiqotlari UBS o‘qituvchilari uchun yangi metodologiyalarni o‘rganish va o‘z ilmiy salohiyatini oshirish imkoniyatini yaratadi. Bu esa, o‘z navbatida, talabalar va ilmiy xodimlar uchun yangi imkoniyatlar va global miqyosda tan olinadigan ilmiy ishlar yaratishga xizmat qiladi.