24-aprel kuni "University of Business and Science"ning Toshkent filialida bo‘lib o‘tgan seminar yoshlar orasida katta qiziqish uyg‘otdi. Tadbir Koreyada ta’lim olish va amaliyot o‘tashni orzu qilayotgan talabalar uchun juda qiziqarli va ma’lumotlarga boy bo‘ldi.

Seminar davomida ishtirokchilarga Koreyaning nufuzli universitetlari bilan hamkorlikdagi ta’lim va internship dasturlar, grantlar, qisqa muddatli amaliyotlar va startap tanlovlar orqali Koreyada amaliyot o‘tash imkoniyatlari haqida batafsil tushuncha berildi.

Shuningdek, seminar doirasida yoshlar o‘zlarini qiziqtirgan savollar bilan murojaat qilib, Koreya bilan bog‘liq akademik yo‘nalishlar, qo‘shma dasturlar va real tajriba orttirish yo‘llari haqida bevosita ma’lumot olishdi.

Uchrashuv UBS talabalari va o‘qituvchilari uchun nafaqat yangi ma'lumotlar manbai, balki global orzular sari dadil qadam tashlashga undovchi motivatsion maydonga bo‘lib xizmat qildi.