2025-yil 20-iyun kuni "University of Business and Science" delegatsiyasi Yaponiyaning nufuzli oliy ta’lim muassasasi — dunyo reytingida TOP-350 talikka kiruvchi Yaponiyaning Tsukuba Universitetiga rasmiy tashrif buyurdi. Bu tashrif UBSning xalqaro akademik maydondagi faolligi va strategik sheriklik siyosatida yana bir muhim bosqich bo‘ldi.

Delegatsiyamizni Tsukuba universiteti vitse-Prezidenti Prof.Mitsuyasu Kato, Xalqaro bo'lim rahbari Prof.Yuji Kajiyama va Ijtimoiy-gumanitar fanlar fakulteti dekani Prof.Usuyama Toshinobu kutib olishdi. Uchrashuv doirasida tomonlar o‘zaro hamkorlikning ustuvor yo‘nalishlari bo‘yicha muzokaralar olib bordilar.

Ma’lumot o'rnida, Tsukuba Universiteti – Yaponiyaning ilmiy tadqiqot va innovatsiyalarga yo‘naltirilgan ilg‘or oliygohlaridan biri bo‘lib, raqamli gumanitar fanlar, xalqaro aloqalar, madaniyatshunoslik va siyosatshunoslik yo‘nalishlarida dunyo miqyosida yuqori o‘ringa ega.