Zamonaviy universitet muntazam ta’lim bermaydi. Ba’zan yo‘l ko‘rsatadi, ba’zan amaliyot asosida o‘rganishingiz uchun imkoniyat hozirlaydi, ba’zan esa maqsadingiz sari yetaklab boradi.

"UBS ACCELERATOR" ham ana shunday innovativ g‘oyalarni qo‘llab-quvvatlaydigan yangi loyiha bo‘lib, unda biznes g‘oyalar va startaplar uchun investitsiya jalb qilish mumkin. UBS Toshkent kutubxonasida bo‘lajak tadbirkorlar va startapchilar biznesni boshlash sirlarini o‘rganish uchun yig‘ilishdi.

Loyiha koordinatorlari — UBS Startap klubi jamoasi esa biznes g‘oyalaringizni amalga oshirishda bor imkoniyatlari bilan yordam berishga tayyor.

"Biznesga ilk qadam" nomli seminarda esa "Biznes nima?", "Biznes-startap reja qanday tuziladi?", "Qancha budjet jalb qilish kerak?", "Investorga loyihani taqdim qilish ketma-ketligi qanday?" kabi savollarga javoblar olindi.