Kuni kecha UBS va Janubiy Koreyaning SEJONG universitetlari hamkorligida qiymati 4 million AQSh dollar bo'lgan Ilmiy-tadqiqot markazining ish boshlashi ma'lum qilingan edi.

Joriy yilning 23-may kuni ushbu markazning kelajakdagi maqsad va rejalari yuzasidan Nanostrukturali materiallar ilmiy-tadqiqot markazi, “University of Business and Science” hamda O‘zbekiston Texnologik metallar kombinati AJ rahbariyati ishtirokida muzokara bo'lib o'tdi.

Muzokara davomida, O‘zbekiston Texnologik metallar kombinati (TMK) bilan hamkorlikda davlat ahamiyatiga molik loyihalarni yangi tashkil etilayotgan Ilmiy-tadqiqot markazida o'tkazish va shu bilan birgalikda hozirgi ilg'or materiallar va qayta tiklanuvchi energetik materiallarni test sinovlaridan o'tkazish uchun hamkorlikda ishlash masalalari kelishib olindi.

Yangi markaz, universitetimiz va TMK o'rtasidagi ko'prik vazifasini bajarib, ilm-fan, ta’lim va ishlab chiqarish integratsiyasini kuchaytirishga xizmat qiladi.