Bugun, 24-iyun kuni, "University of Business and Science" rahbariyati Janubiy Koreya Respublikasiga rasmiy tashrifi doirasida mamlakatning nufuzli oliy ta’lim muassasalaridan biri — Dongshin Universiteti bilan navbatdagi uchrashuvni o‘tkazdi.

Uchrashuvda Dongshin Universiteti prezidenti Prof.Lee Juhee hamda boshqa rahbariyat vakillari, UBS tomonidan esa universitet hamta’sischisi Omon Sultonov boshchiligidagi delegatsiya ishtirok etdi.

Mazkur uchrashuv avval imzolangan anglashuv memorandumi doirasida qo‘shma tashabbuslarni amaliyotga joriy etish hamda yangi istiqbolli rejalarni ishlab chiqishga bag‘ishlandi.

Ma’lumot uchun: 1985-yilda tashkil topgan Dongshin Universiteti bugungi kunda Janubiy Koreyaning etakchi oliygohlaridan biri sanaladi. Universitet Naju shahrida joylashgan bo‘lib, zamonaviy kampus, ilg‘or laboratoriyalar va o‘ziga xos tibbiyot klinikalari bilan ajralib turadi. Ayniqsa, an’anaviy koreys tibbiyoti, hamshiralik ishi, fizioterapiya, radiologiya va sog‘liqni saqlash yo‘nalishlari bo‘yicha kuchli amaliy dasturlarni taklif etadi.