Kecha, 18-iyul kuni, University of Business and Science’ ning Toshkent filialida “UBS Fan Olimpiadasi – 2025” g‘olib va sovrindorlarini taqdirlash marosimi bo‘lib o‘tdi.

Tadbirda Maktabgacha va maktab ta'limi vazirligi, Fan olimpiadalari markazi, Ta'limni rivojlantirish respublika ilmiy-metodik markazi, Chilonzor tuman hokimiyatidan vakillar, shuningdek UBS rahbariyati hamda 500 dan ortiq o‘quvchilar, ularning ota-onalari va ustozlari ishtirok etdi.

Ma'lumot o‘rnida, 4 milliard so‘mlik sovrin jamg‘armasini tashkil qilgan ushbu fan olimpiadasi, shu yilning may–iyun oylarida, 9–10-11-sinf o‘quvchilari o‘rtasida Respublika miqyosida o‘tkazilib, umumiy hisobda 120 mingdan ortiq o‘quvchi-yoshlarni jalb qildi.

Yakunda:

150 dan ortiq g‘olib o'quvchilarga — 2 yillik UBS granti va zamonaviy kompyuterlar;

Shuningdek, yuqori natija ko‘rsatgan 2850 dan ortiq o'quvchilarga qiymati 1-4 milliongacha bo‘lgan vaucherlar bilan taqdirlandi.

Bundan tashqari 4 ta eng faol viloyat maktab va maktabgacha ta'lim boshqarmalari, 14 ta eng faol tuman maktab va maktabgacha ta'lim boshqarmalari hamda 14 ta eng faol maktab direktorlari — kompyuterlar va esdalik sovg‘alari bilan taqdirlandi.

Sovrindorlar roʻyxatini @ubsolimpiada rasmiy kanali orqali koʻrishingiz mumkin!