Kecha, 10-iyun kuni, “University of Business and Science”da “Uzluksiz ta'lim tizimida o‘qitishning innovatsion g‘oyalari va zamonaviy pedagogik texnologiyalari” mavzusida xalqaro ilmiy-amaliy konferensiya bo‘lib o‘tdi.

Anjumanda Turkiya, Rossiya, Koreya, Qirg‘iziston va O‘zbekistonning nufuzli universitetlaridan olimlar, professor-o‘qituvchilar va tadqiqotchilar qatnashib, maktabgacha va boshlang‘ich ta'lim, jismoniy tarbiya va tabiiy fanlar bo‘yicha zamonaviy pedagogik yondashuvlar yuzasidan fikr almashishdi.

“Yashil pedagogika”, “Xalq pedagogikasi orqali ijtimoiy faollik” va “Boshlang‘ich sinf o‘qituvchisining zamonaviy kompetensiyasi” kabi dolzarb mavzularda ma'ruzalar tinglandi.

Ushbu xalqaro konferensiya UBS va xalqaro hamkor universitetlar o‘rtasidagi ilmiy hamkorlikni yanada mustahkamlashga xizmat qildi.