UBS rahbariyati AQSH'dagi University of Cincinnati'ning innovatsiya va startaplar markazi “1819 Innovatison Hub”ga tashrif buyurdi.

University of Cincinnati — AQSHning eng nufuzli davlat universitetlaridan biri. Forbes uni yangi bitiruvchilar uchun "eng istiqbolli shahar", CNN Money esa "startaplar gullab-yashnayotgan joy" sifatida tan olgan.

“1819 Innovatsion Hub” 2018-yilda tashkil etilganidan beri startaplarga deyarli 10 million dollar miqdorda pul ajratgan. Bu yerda Microsoft va Procter & Gamble kabi yirik kompaniyalar ham faoliyat yuritadi.

Mana shu yerda UBS rahbariyati texnologik startaplarni qoʻllab-quvvatlash, xalqaro hamkorlikni kengaytirish hamda oʻzbekistonlik talabalar uchun keng imkoniyatlar yaratishni muhokama qilishdi.