University of Business and Science oliy ta'lim muassasasi Toshkent filiali yoshlar masalalari va ma'naviy-ma'rifiy ishlar bo'yicha direktorining birinchi o'rinbosari Xudayberganov Ravshonbek xudaybergan o‘g‘li 1983 yilda Xorazm viloyatida tug‘ilgan. Ma'lumoti oliy. 2007-yilda Mirzo Ulug‘bek nomidagi O‘zbekiston Milliy universitetining magistratura, 2010 yilda Falsafa va fan metodologiyasi ixtisosligi bo‘yicha aspiranturani tamomlagan. Falsafa fanlari doktori (DSc), professor v.b. Shu kungacha oliy ta’lim tizmida bir qator lavozimlarda rahbarlik qilib kelgan. 2024-yildan hozirgi vaqtgacha University of Business and Science oliy ta'lim muassasasi Toshkent filiali yoshlar masalalari va ma'naviy-ma'rifiy ishlar bo'yicha direktorining birinchi o'rinbosari lavozimida faoliyat yuritib kelmoqda. Yurtimiz ravnaqi, jamiyatimizning ijtimoiy-siyosiy hayotidagi faol ishtiroki, oliy taʼlim tizimini rivojlanishi va ravnaqi yoʼlida halol va sidqidildan olib borayotgan faoliyati, yoshlarning intellektual salohiyatlarini shakllantirishda, milliy urf-odatlarimiz va qadriyatlarimizni talaba yoshlar ongiga singdirishdagi alohida xizmatlari uchun Oʼzbekiston Respublikasi Prezidentining 2021 yil 24 maydagi Farmoniga binoan “Oʼzbekiston Respublikasi Mustaqilligining 30 yilligi” Koʼkrak nishoni bilan taqdirlangan.

Yoshlar bilan ishlash va maʼnaviy-maʼrifiy ishlar boʻyicha talabalarning tarbiyaviy, maʼnaviy va ijtimoiy rivojlanishini muvofiqlashtiradi. U maʼrifiy tadbirlar, vatanparvarlik ruhidagi loyihalar va yoshlar siyosatini amalga oshirish uchun masʼuldir.