Bugun Namanganda oʻtkazilgan "TalabaExpo-2026" koʻrgazmasi UBS tarixida yana bir yorqin sahifaga aylandi.

Tadbir doirasida UBS zamonaviy ta’lim tizimini rivojlantirish hamda innovatsion g‘oyalarni qo‘llab-quvvatlashdagi faol ishtiroki uchun viloyat hokimligi tomonidan tashakkurnoma va esdalik sovg‘alari bilan taqdirlandi. Ushbu e'tirofni UBS rektori Dilshod Xolmatov shaxsan qabul qilib olib, o‘z minnatdorchiligini bildirdi.

Qolaversa, o‘qish davomida nafaqat darslarda, balki ilm-fan, startap loyihalar va jamoat ishlarida o‘zining yutuqlari bilan barchaga namuna bo‘lgan bir guruh talabalar ham mukofotlandi.

Bu e’tirof UBS berayotgan sifatli ta’lim va intiluvchan yoshlar mehnatining yaqqol isbotidir.