"University of Business and Science" vakillari hozirda Turkiyaning nufuzli oliy o‘quv yurtlaridan biri – Karabük Universitetiga xizmat safarini amalga oshirmoqda. Universitetimiz vakillari Karabuk Universiteti moliyaviy ishlar prorektori Prof. Dr.Hasan Solmaz, xalqaro aloqalar bo’lim boshlig’i Adnan Ucur va Tibbiyot fakulteti dekani Prof. Dr. İsmail Ak tomonidan iliq kutib olindi.

Ushbu tashrifdan ko‘zlangan asosiy maqsad – universitetimizning tibbiyot fakultetini zamonaviylashtirish, o‘quv dasturlarini takomillashtirish va xalqaro darajadagi bilim almashinuvini yo‘lga qo‘yishdir.

Tashrif davomida UBS va Karabük Universiteti o‘rtasida talaba va o‘qituvchilar uchun almashinuv dasturlarini tashkil etish masalalari muhokama qilinmoqda. Bu orqali talabalarimizga yetakchi xorijiy universitetlarda o‘qish va amaliyot o‘tash imkoniyati yaratiladi. O‘qituvchilarimiz esa eng so‘nggi metod va uslublarni o‘rganish, o‘z bilimlarini yanada boyitish imkoniga ega bo‘ladilar.