Universitetimizda “Ma’rifat ulashib” tadbiri doirasida Oʻzbekiston yozuvchilar uyushmasi a’zolari – Adiba Umirova va Umida Abduazimova bilan adabiy uchrashuv bo‘lib o‘tdi.

Shoiralar universitet xazinasiga bebaho sovg‘a – o‘z kitoblarini hadya qilib, samimiy suhbatlari bilan yoshlarni yangi cho‘qqilarni zabt etishga ilhomlantirdilar.

Tadbir davomida Adiba Umirova va Umida Abduazimova o‘z ijodiy yo‘llari, yozuvchilik hayoti va adabiyotning jamiyatdagi o‘rni haqida qimmatli fikrlar bildirib, talabalarni ijodiy izlanishlarga undadilar. Shoiralar yoshlarni nafaqat adabiyotga, balki hayotga bo‘lgan yangi qarashlarni shakllantirishga, ijodda va kundalik hayotda jasoratli bo‘lishga chaqirdilar. Bu uchrashuv talabalar uchun adabiyotning chinakam ma’nosini tushunish, shuningdek, o‘z orzulariga erishishda ilhom olish imkoniyatini yaratdi.