UBS jamoasi tomonidan keyingi xayrli tashabbus amalga oshirildi. Yoshlar masalalari va ma’naviy-ma’rifiy ishlar bo‘yicha prorektor Faxriddin Asqarov, ma’naviy-ma’rifiy ishlar bo‘yicha ish yurituvchi Akmal Ortiqov hamda universitetimizning bir guruh talabalari birgalikda obodonlashtirish sohasining fidoyi xodima ayollariga iliqlik ulashdilar.

Sovuq kunlarda kichik bir iliq tabassum ham yuraklarni isitadi, deganlaridek, ularga issiq qahva va shirin kulchalar tarqatildi, farzandlari uchun yangi yil sovg‘alari taqdim etildi.

Bu tashabbus nafaqat sovuqni, balki qalbdagi masofalarni ham eritdi, desak, mubolag‘a bo‘lmaydi.

UBS jamoasi har bir qalbga mehr ulashish, ezgulik va yaxshilik yo‘lida birlashishga chorlaydi!