Bugun UBS'da katta tantana. Chunki milliy qadriyatlarimizni asrab-avaylash va kelajak avlodlarga yetkazish, milliy hunarmandchiligimiz boʻlgan doʻppido‘zlikni keng targʻib etish maqsadida “DOʻPPI KUNI” tashkil etildi.

Festivalda barcha professor-oʻqituvchilar va talabalar milliy do‘ppimizda kelib, ishtirok etishmoqda.

“Do‘ppi kuni”da shuningdek, quyidagi tadbirlar ham namoyish etilmoqda:

- Milliy koʻrgazma va oʻyinlar

- Osh festivali

- Milliy sanʼatimiz asosida tashkil etilgan badiiy tadbir

Bugungi tadbir, nafaqat do‘ppi kiyish, balki milliy merosimizni yangicha talqin qilish, uni har bir insonning kundalik hayotiga tatbiq etish uchun bir imkoniyatdir. UBS jamoasi uchun bu, o‘z tarixini va madaniyatini yanada chuqurroq anglash va himoya qilishga bo‘lgan yana bir qadamdir.