Viloyat hokimiga UBSning yangi kampusi loyihasi taqdimot qilindi

“University of Business and Science”ga Namangan viloyati hokimi Shavkatjon Abdurazzoqov tashrif buyurgani haqida xabar bergan edik.

Tashrif davomida viloyat hokimi universitetning 2025-yilda foydalanishga topshirilishi rejalashtirilgan yangi o‘quv kampusi loyihasi bilan tanishtirildi.

Bunda talabalarga o‘qish, sport bilan shug'ullanish, mustaqil bilim olish va hordiq chiqarish uchun yaratilishi rejalashtirilayotgan sharoitlar haqida batafsil ma’lumot berildi. Shuningdek, o‘quv xonalari, laboratoriyalar va kutubxonani zamonaviy uskunalar bilan jihozlash hamda kampus ichida klinika va talabalar yotoqxonasi bunyod etish rejalashtirilayotgani ma’lum qilindi.

Oʻz navbatida Shavkatjon Abdurazzoqov bu kabi ta’lim dargohlarining koʻpayishi viloyatda yetuk kadrlarni yetishtirishda muhim ekanligini ta’kidlab, universitetda ta’lim sifati va samaradorligini oshirish hamda talabalarga munosib sharoitlar yaratish boʻyicha zarur tavsiyalarni berib oʻtdi.