Sizga xushxabarlar ulashishdan hech qachon charchamaymiz! Ayniqsa, bu ilm bilan bog‘liq bo‘lsa!

UBS'ning fidoyi ustozlaridan biri Elmurod Narzullayev  iqtisodiyot fanlari bo‘yicha falsafa doktori (PhD) dissertatsiyasini himoya qilish arafasida turibdi.

Bugun UzA sahifasida ushbu himoya rasmiy e’lon qilindi. Unga ko‘ra:

08.00.13 – “Menejment” hamda 08.00.15–“Tadbirkorlik va kichik biznes iqtisodiyoti” tutash ixtisosliklar bo‘yicha “Atrof-muhitni muhofaza qilishga ixtisoslashgan ijtimoiy tadbirkorlik subyektlarini boshqarish va rivojlantirish strategiyasi” mavzusidagi iqtisodiyot fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishi himoyasi Namangan muhandislik-texnologiya instituti huzuridagi ilmiy darajalarni beruvchi Ilmiy kengashning 2024-yil 14-avgust kuni soat 09:00 dagi majlisida bo‘lib o‘tadi.

- UBS jamoasi nomidan ustozimizga muvaffaqiyatli himoya qilishlarini tilab qolamiz!