“University of Business and Science”da xalqaro TESOL seminari o‘tkazildi

Universitetimizning xalqaro maydondagi nufuzi kundan kun yuqorilamoqda. So‘zimizni oliygohimiz mezbonlik qilayotgan xalqaro konferensiyalar, seminarlar va hamkorliklar isbotlaydi.

UBS'da amerikalik mutaxassislar Miss Olga va Mr Dale trenerligida xalqaro TESOL seminari bo‘lib o‘tdi. 

Seminar “Ingliz tilini o‘qitishda innovatsiyalar” mavzusida bo‘lib, unda universitetimizning professor-o‘qituvchilari va talabalarimizdan tashqari boshqa oliygoh o‘qituvchilari ham ishtirok etdi.

Trenerlar tomonidan yangi metodikalar, zamonaviy innovatsiyalardan keng foydalanish bo‘yicha qiziqarli mashg‘ulotlar o‘tib berildi.

Seminar so‘ngida, rektorimiz Karimjon Boymirzayev tomonidan mehmon trenerlarga minnatdorlik bildirilib, universitetimizning maxsus sovg‘alari topshirildi.