Universitetimizda oʻzbek xalqining sevimli shoirasi Zulfiyaxonim tavalludiga bagʻishlangan “Men Siz uchun tongni kuylayman” mavzusida badiiy-adabiy kompozitsiya taqdim etildi.

Rus tilida tahsil oluvchi talabalar tomonidan oʻtkazilgan ushbu  tadbirda universitetimiz rektori Karimjon Boymirzayev va prorektorlarimiz ham ishtirok etib, bunday ijodiy kechalarning ahamiyati haqida so‘z yuritdilar.

Ko‘tarinki ruhda oʻtgan tadbirda talabalar oʻz iqtidorlarini turli sahna ko‘rinishlari, jonli kuylangan qo‘shiqlar orqali mohirona namoyish etdilar. Tadbir Zulfiyaxonimning adabiyotdagi o‘rni va uning asarlarining yosh avlod uchun ahamiyatini yana bir bor yodga soldi. Ishtirokchilar she’rlarning ma’nosiga chuqur kirib, shoiraning hayoti va ijodi haqida qiziqarli ma’lumotlar bilan o‘rtoqlashdilar. Shu orqali talabalar ijodiy fikrlash va madaniy qadriyatlarni qadrlash borasida yangi bilimlarga ega bo‘ldilar.