“University of Business and Science”da ulug‘ mutafakkir Alisher Navoiyning 583 yilligi hamda shoh va shoir Zahiriddin Muhammad Boburning 541 yilligi munosabati bilan “Nazm va Navo kechasi” o‘tkazildi.

Unda oliygohimiz rektori Karimjon Boymirzayev, prorektorlarimiz, viloyatimizning bir guruh olima ayollari va faol talabalarimiz ishtirok etdi. Tadbirda bobokalonlarimizning hayoti va ijodi turli kompozitison chiqishlar, raqslar, monologlar va jonli ijrodagi qo‘shiqlar bilan namoyish qilindi.

Tadbirda, shuningdek, Navoiyning nasriy va she’riy merosi, Boburning ilm-fan va san’atga qo‘shgan hissasi haqida qiziqarli ma’ruzalar tinglandi. Bu kecha ishtirokchilarni ona tilimiz, adabiyotimiz va madaniyatimizga bo‘lgan mehr-muhabbat bilan ilhomlantirdi. Universitetimiz talabalari va xodimlari o‘zlarining iqtidorlarini namoyish etib, buyuk ajdodlarimizning asarlarini yangi avlodga tanitishda muhim rol o‘ynadilar.