O‘zbek tili va adabiyoti o‘qituvchisi Mamlakat Mamadaliyeva tomonidan O‘zbek folklori fanida “Xalq qo‘shiqlari” mavzusidagi ochiq dars o‘tkazildi.

Dars mashg‘ulotlarida talabalar tomonidan oʻzbek xalqining “Boshginam og‘riydi”, “Chittigul”, “Atirgul”, “Doʻppi tikdim”, “Yallama yorim” kabi qo‘shiqlar, topishmoqlar va laparlar asosida xalqimizning boy tarixi ko‘rsatib berildi.

O‘zbek folklori nafaqat til va adabiyot, balki xalqimizning ma’naviy merosini saqlashda ham muhim ahamiyatga ega. Shuningdek, bunday ochiq darslar talabalarimizga o‘z milliy qadriyatlarimizni anglash va ularga nisbatan hurmatni oshirish imkonini beradi. Bu kabi tadbirlar talabalarning ijodiy fikrlash va jamoaviy ishlash ko‘nikmalarini ham rivojlantiradi va milliy urf-odatlarimizni yanada chuqurroq oʻrganishga undaydi.