Toʻraqoʻrgʻon tumanidagi madaniyat markazida “EUROPEAN UNION EDUCATION FAIR 2023” tadbiri boʻlib oʻtmoqda.

Unda Ispaniya, Polsha, Bolgariya, Italiya, Chexiya, Ruminiya, Germaniya va Slovakiya davlatlaridan 30 dan ortiq nufuzli universitet vakillari taʼlim xizmatlari boʻyicha taqdimot oʻtkazdi.

Ushbu katta tadbirda “University of Business and Science” uchun ham alohida joy ajratildi. Professor-oʻqituvchilarimiz tomonidan chop ettirilgan maqolalar, monografiya, oʻquv qoʻllanmalar va boshqa barcha yutuqlarimiz bilan oliygohimiz vakillari ham ishtirok etmoqda.

- Qayd etish joiz, ushbu xalqaro hamkorliklar UBSʼning xalqaro nufuzini yanada oshirishga va mustahkamlashga zamin yaratadi.