UBS’da talabalarning nafaqat bilimi, dunyoqarashi ham boyitiladi. Xususan, universitet tomonidan yoshlarning vaqtini mazmunli oʻtkazish, ularning har tomonlama yetuk kadrlar qilib shakllanishini qoʻllab-quvvatlash maqsadida doimiy tarzda turli sayohatlar tashkil etib boriladi. Qo‘qon shahriga uyushtirilgan sayohat mazkur an’ananing amaldagi namunasi boʻldi. Sayohat davomida talabalar shahardagi Xon oʻrdasi, Jome’ majmuasi va shu kabi diqqatga sazovor maskanlar bilan tanishishdi.

Shuningdek, talabalar o‘zlarining tarixiy va madaniy merosimizni yanada chuqurroq o‘rganish imkoniyatiga ega bo‘ldilar. Sayohat davomida tarixiy obidalarni o‘rganish, milliy qadriyatlarimizni anglash va jamiyatdagi o‘rni haqida fikr almashish imkoniyatlari yaratildi. Bunday sayohatlar nafaqat talabalarning bilim doirasini kengaytiradi, balki ularning vatanparvarlik tuyg‘ularini ham oshiradi. Universitetimiz yoshlarni dunyoqarashi keng, ma’naviyati boy, va mas’uliyatli insonlar sifatida shakllantirishga intiladi.