Namangan shahridagi Alisher Navoiy nomidagi teatr sahnasida namoyish etilgan “Alvido bolalik” spektakli talabalarimiz uchun unutilmas taassurot qoldirdi. Teatrga sayr davomida Ilyasov Azamjon, Bobayeva Ziyoda, To‘ychiyeva Shoista, Maripova Asal ustozlar boshchiligida jamoaviy ishtirok etib, spektaklning mazmun va ijrosidan zavq olishdi.

Tadbir davomida talabalar sahnadagi ijodkorlarning mehnatini yuqori baholab, ularning san’ati orqali insoniy tuyg‘ularni yanada chuqurroq anglashga harakat qilishdi. Spektaklning mazmuni va aktyorlarning ijrosi talabalar uchun hayotiy saboqlarni o‘zida aks ettirdi. Bunday madaniy tadbirlar yoshlarning ma’naviy va estetik rivojlanishiga katta hissa qo‘shadi.

Teatr — bu nafaqat madaniyat o‘chog‘i, balki qalblarni tarbiyalaydigan ko‘zgudir!