“University of Business and Science” ning asosiy qadriyati talabalarga sifatli ta’lim  berish bilan birga ularni munosib taqdirlab borishdir.

 Aynan shuning uchun oliygohimizda eng malakali professor-o‘qituvchilar dars beradi. Shuningdek, ochiq darslar, seminar-treninglar, fan olimpiadalari hamda turli musobaqalar tez-tez o‘tkaziladi.

 Xususan, universitetimizda kunduzgi ta’lim shaklida tahsil oluvchi talabalarning iqtidorini, ilmiy salohiyatini, madaniy-ma’rifiy va tashkiliy ishlarda faolligini rag‘batlantirish maqsadida bir semestr uchun grant berish joriy qilingan. Ya’ni grant yutgan talaba bir semestr shartnoma summasidan ozod qilinadi.

 Oliygohimizda ushbu grantlarni yutib olgan 10 nafar talabamiz va ularning ota-onalarini taqdirlash marosimi o‘tkazilib, maxsus sertifikatlar va tashakkurnomalar topshirildi.

 Unutmang, universitet uchun talabaning, ota-ona uchun esa farzandning muvaffaqiyati hamisha qadrli va ahamiyatli bo‘lgan!