“University of Businesss and Science”ning bir yilligi munosabati bilan qoʻshni Qirgʻiziston Respublikasidan bir guruh hamkorlarimiz oliygohimizga tashrif buyurishdi.

Ular bir yil davomida universitetimizning talabalar uchun yaratgan imkoniyatlari, erishilgan yutuqlar — barchasini alohida eʼtirof etdi.

Uchrashuv soʻnggida, universitetimiz bilan qilinajak hamkorliklar yanada kengayishi va rivojlanishiga ishonch bildirishdi.

Shu bilan birga, tomonlar oʻzaro bilim almashish, tajriba va resurslarni birlashtirish orqali kelajakdagi muvaffaqiyatlarga erishish uchun har tomonlama ish olib borishga kelishib oldilar. Ularning fikricha, bunday hamkorliklar nafaqat oliy taʼlim sohasida, balki biznes va ilm-fan sohalarida ham ijobiy o‘zgarishlarni keltirib chiqaradi. Qirgʻizistonlik hamkorlarimizning bu tashrifi universitetimiz uchun yangi imkoniyatlar ochishga xizmat qiladi.