Yil so‘ngi. Ayni sarhisob payti. Hamma yil bo‘yi qanday muvaffaqiyatga erishgani-yu qanday xulosaga kelgani haqida o‘ylab ko‘radigan payt.

Shu jumladan, bizning universitetimiz uchun ham shu yil katta muvaffaqiyatlar yili bo‘ldi. UBS faoliyati sarhisobiga bag‘ishlangan taqdimot tadbirida ham bu alohida ta’kidlab o‘tildi.

Tadbirda rektorimiz Karimjon Boymirzayev va Kuzatuv Kengashi raisi o‘rinbosari Zufar Xurramov so‘zga chiqib, UBSning shu kungacha erishgan yutuqlari va kelgusi faoliyati haqida ma’ruza qildi.

Ma’ruzada yutuqlardan tashqari ba’zi kamchiliklar ham tilga olinib, ularni bartaraf etish maqsadida aniq ishlar belgilab olindi.

2025-yilga mo‘ljallangan rejalar universitetimizni yanada yuqori darajaga olib chiqishga zamin yaratishi kutilmoqda.