Buyuk ma’rifatparvar adib Mahmudxo‘ja Behbudiy xotirasi avlodlar e’tirofida

UBS Toshkent talabalari Mahmudxo‘ja Behbudiy tavalludining 150 yilligiga bag‘ishlangan tadbirda o‘zlarining ijodiy salohiyatini namoyish etdilar. Bu tadbirda adibning hayoti va asarlari, shuningdek, uning ma’rifatparvarlik yutuqlari keng yoritildi.

Talabalarimiz tomonidan sahnada ijro etilgan she’rlar, adabiy kompozitsiyalar va badiiy chiqishlar tomoshabinlarda ulkan taassurot qoldirdi.

Tadbirda ishtirok etgan UBS Toshkent rahbariyati, mehmonlar, jumladan, adabiyotshunoslar, Yozuvchilar uyushmasi a’zolari, shoirlar Dilshod Rajab va Munira Ramazonova hamda madaniyat vakillari talabalarning ijodini yuqori baholab, ular kelajakda Mahmudxo‘ja Behbudiyning yuksak g‘oyalarini davom ettirishda muhim rol o‘ynashlariga ishonch bildirdilar.