Universitetimiz ustozlari har sohada ilg‘or. Xoh ilm yo‘lida bo‘lsin, xoh madaniyat — barchasida faollikni qo‘lga olishgan.

Shunday ustozlarimizdan biri Maktabgacha-boshlang’ich ta’lim va jismoniy tarbiya kafedrasi o’qituvchisi S. Xolmatova tomonidan 1-kurs sirtqi ta’lim shakli talabalari o’rtasida

“Archa festivali” tashkil etildi.

Talabalarning o‘z qo‘llari bilan yaratilgan archalarni ko‘rib, bahri-dilingiz ochilishi tayin! Bir so‘z bilan aytganda, talabalarimiz UBSga yangi yil shukuhini olib kirishdi.

Yoshlar masalalari va ma’naviy ma’rifiy ishlar bo’yicha prorektor F.Asqarov, pedagogika fakulteti dekani K. Sattarov va kafedra mudiri K.Abdullayeva “Yil archasi”, “ Eng kreativ archa”, “Eng yaxshi qo’l ishi”  kabi bir qator nominatsiyalar bilan talabalarni taqdirlashdi.