Umumiy ma’lumot

Tibbiyotda kompyuter tizimlari magistratura dasturi zamonaviy tibbiyot texnologiyalari va kompyuter tizimlarini o‘rganishga qaratilgan ilmiy yo‘nalishdir. Ushbu dastur talabalarga tibbiyotda kompyuter tizimlari, ma'lumotlar bazalari, sog‘liqni saqlashdagi axborot tizimlarini yaratish va tahlil qilish, sun'iy intellekt va mashina o‘rganish texnologiyalarini qo‘llash imkoniyatlarini o‘rgatadi.

Dastur tibbiyot va axborot texnologiyalari sohalarida bilim va tajriba olishni istagan talabalar uchun mo‘ljallangan. Talabalar ushbu dastur orqali tibbiy ma'lumotlarni tahlil qilish, kasalliklarni prognozlash, diagnostik tizimlarni yaratish va tibbiyot sohasida axborot tizimlarini ishlab chiqishda qatnashish ko‘nikmalarini rivojlantiradilar.

Dastur tuzilmasi

Tibbiyotda kompyuter tizimlari magistratura dasturi 2 yillik o‘quv jarayonidan iborat bo‘lib, quyidagi asosiy yo‘nalishlarni qamrab oladi:

• Tibbiyotda kompyuter tizimlari va texnologiyalari

• Axborot tizimlari va tibbiy ma'lumotlar bazalari

• Sun'iy intellekt va mashina o‘rganish texnologiyalari

• Tibbiy ma'lumotlarni tahlil qilish va vizualizatsiya

• Sog‘liqni saqlashda axborot xavfsizligi va huquqiy muammolar

• Tadqiqot metodologiyasi va dissertatsiya yozish bo‘yicha seminarlar

Dastur davomida talabalar mustaqil tadqiqot olib boradi va o‘z ilmiy rahbarlari bilan magistrlik dissertatsiyasi ustida ishlashadi.

Karyera imkoniyatlari

Tibbiyotda kompyuter tizimlari magistratura dasturini tamomlagan bitiruvchilar quyidagi sohalarda faoliyat yuritish imkoniyatiga ega:

• Sog‘liqni saqlash tashkilotlarida tibbiy ma'lumotlar va axborot tizimlarini boshqarish mutaxassisi

• Kompyuter tizimlari va tibbiy texnologiyalar bo‘yicha maslahatchi yoki mutaxassis

• Sun'iy intellekt va ma'lumotlarni tahlil qilish sohalarida ishlab chiquvchi yoki tadqiqotchi

• Axborot xavfsizligi bo‘yicha mutaxassis yoki tahlilchi

• Tibbiyotda kompyuter tizimlari bo‘yicha o‘qituvchilar va ilmiy tadqiqotchilar

Ushbu dastur tibbiyot va texnologiyalarni birlashtirib, tibbiyot sohasida innovatsion echimlarni yaratishga qaratilgan, bu esa talabalar uchun keng karyera imkoniyatlarini taqdim etadi.

Kontrakt narxlari: 22,500,000 so‘m