Xabaringiz bor 1-iyul kuni, University of Business and Science (UBS) delegatsiyasi Janubiy Koreyaning nufuzli oliygohi Kyungdong universitetiga (KDU) tashrif buyurdi.

Ushbu uchrashuvda, ikkala universitet uchun manfatli bo'lgan Qo‘shma ta’lim dasturlari (Dual Diploma Programs) bo‘yicha rasmiy Kelishuv Memorandumi (Memorandum of Agreement) imzolandi.

Ushbu qo‘shma dasturlar quyidagi 4 ta tibbiyot yo‘nalishlarini qamrab oladi:

Nursing (Hamshiralik ishi)

Dental Technology (Stomatologiya texnologiyasi)

Biomedical Science (Biotibbiyot fanlari)

Emergency Medical Technology (Shoshilinch tibbiy yordam texnologiyasi)

Mazkur dasturlar orqali UBS talabalari 2 ta diplomni (UBS hamda KDU universiteti diplomlari) qo'lga kiritib, 99% ishga joylashish imkoniyatiga ega bo'ladi.

Tashrif davomida UBS delegatsiyasi KDUning zamonaviy tibbiyot kampusida bo‘lib, sun’iy intellekt asosida jihozlangan simulyatsiya markazi, amaliyot laboratoriyalari, hamda klinik muhitga ega amaliyot xonalari bilan yaqindan tanishdi.

Ushbu kelishuv UBS va KDU o‘rtasidagi strategik hamkorlikni mustahkamlab, ayniqsa tibbiyot yo‘nalishidagi talabalar uchun yangi imkoniyatlar eshigini ochdi.