University of Business and Science professor-o‘qituvchilari Turkiya Respublikasining nufuzli oliy ta’lim muassasalaridan biri — Karabuk Universitetida malaka oshirish dasturida faol ishtirok etishmoqda.

Ushbu tashabbus UBSning xalqaro hamkorlik doirasidagi strategik maqsadlaridan biri bo‘lib, dastur davomida professor-o‘qituvchilar Turkiya ta’lim tizimining ilg‘or tajribalari, innovatsion o‘quv metodikalari va zamonaviy pedagogik yondashuvlari bilan yaqindan tanishadi.

Bu kabi tashriflar UBS akademik salohiyatini oshirish, ta’lim sifatini yanada yuksaltirish hamda global raqobatbardosh kadrlar tayyorlashda muhim ahamiyat kasb etadi.