Ayni kunlarda University of Business and Science rektori Dilshod Xolmatov xizmat safari bilan Qozog‘istonning Olmaota shahrida bo‘lib turibdi.

Safar davomida UBSning yangi hamkori bo‘lishi kutilayotgan Kaz-Ind Medical School faoliyati bilan yaqindan tanishib, ta’lim jarayonlari, akademik imkoniyatlar va hamkorlik istiqbollari haqida muhokama qilmoqda.

Shuningdek, rektorimiz ushbu ta’lim muassasasida tahsil olayotgan talabalarning tantanali diplom topshirish marosimida ham ishtirok etib, bitiruvchilarni ushbu muhim va unutilmas kun bilan tabrikladi.

Tadbirda Hindistonning Qozog‘istondagi elchisi Sachin Mishra, bir qator nufuzli tashkilotlar va universitetlar vakillari ham qatnashdi.

Mazkur xizmat safari UBSning xalqaro nufuzini oshirish, yangi hamkorlik aloqalarini yo‘lga qo‘yish hamda xorijiy talabalar uchun yanada keng imkoniyatlar yaratishga xizmat qiladi.