Bugun, UBSning Toshkent shahridagi binosida ‘‘Xalqaro bolalarni himoya qilish kuni’’ munosabati bilan bayram tadbiri tashkil etildi.

Ushbu tadbirda Toshkent shahridagi 100-sonli Ixtisoslashtirilgan maktab-internati o‘quvchilari mehmon bo‘lishdi.
Tadbir davomida ishtirokchilar uchun qiziqarli uchrashuvlar, esdalik sovg‘alari va bayramona dasturlar tashkil etildi. Ayniqsa, imkoniyati cheklangan bolalarning yuzidagi quvonch va mamnunlik ushbu kunning eng unutilmas lahzalariga aylandi.

Har bir bola mehr va e’tiborga, sifatli ta’lim olishga, orzulari sari dadil qadam tashlashga haqlidir. Ularning baxtli buguni — yurtimizning porloq kelajagidir.