“University of Business and Science” tomonidan tashkil etilgan “Karyera kuni” mehnat yarmarkasi boʻlib oʻtdi.

Unda bir qator mutasaddi idoralar xodimlari, jumladan, Namangan viloyati hokimligi, Namangan viloyati Oliy taʼlim, fan va innovatsiyalar boshqarmasi, Namangan shahar hokimligi, Namangan viloyati kambagʻallikni qisqartirish va bandlik boshqarmasi va Davlat xizmatini rivojlantirish Namangan viloyati filiali vakillari, fuqarolar va universitetimizning talabalari ishtirok etdi.

Jarayonda Namangan viloyatidagi 50 ga yaqin banklar va boshqa tashkilotlar tomonidan burchaklar tashkil etilib, kerakli maʼlumotlar berib borildi.

Ushbu yarmarka Namangan viloyati bitiruvchi talabalarining bandligiga koʻmaklashish, ularni tegishli sohalar bo‘yicha ish bilan ta’minlash va ish beruvchi korxona bilan hamkorlik aloqalarini yanada mustahkamlash maqsadida oʻtkazildi.