Bugun, 19-may kuni University of Business and Science Kengashining navbatdagi 9-yigʻilishi oʻtkazildi.

Unda mutasaddilar tomonidan oliygohning bugungi faoliyati, ta’lim sifati va kelgusidagi strategik rejalari atroflicha muhokama qilindi.

Yigʻilishni universitet rektori Karimjon Boymirzayev ochib berib, oʻz nutqida Oʻzbekiston Respublikasi Prezidentining Farmon va qarorlari, Vazirlar Mahkamasining qarorlari, Oliy ta’lim, fan va innovatsiyalar vazirligi buyruqlarining ijro intizomi va amaldagi holatiga alohida toʻxtalib oʻtdi.

Shuningdek, tadbirda quyidagi muhim masalalar tahlil qilindi:

Korrupsiyaga qarshi kurashish "Komplaens-nazorat" tizimini boshqarish boʻlimi boshligʻi Shohruhbek Mamadaliyev soʻzga chiqib, universitetning qabul jarayonlari tahlili hamda kelgusidagi istiqbolli rejalar xususida ma’lumot berdi;

Oʻquv boʻlimi boshligʻi E. Soliyev talabalarning malakaviy va bitiruv oldi amaliyotlarining tashkil etilish holati hamda ularning natijalari yuzasidan hisobot berdi.

Yakunda barcha masalalar yuzasidan tegishli qarorlar qabul qilinib, ta’lim sifatini yanada yuksaltirish boʻyicha aniq vazifalar belgilab berildi.