Joriy yilning 21-may kuni University of Business and Science oliy ta’lim muassasasining Toshkent filialida Oliy ta’lim, fan va innovatsiyalar vazirligi bilan hamkorlikda “Yashil iqtisodiyotni rivojlantirishda raqamlashtirishning o‘rni, muammo va yechimlar” mavzusidagi xalqaro ilmiy-amaliy anjuman tashkil etildi.

Anjumanda Janubiy Koreya, Malayziya, Qozogʻiston kabi davlatlarning nufuzli oliygohlari hamda mahalliy universitetlardan 100 nafardan ortiq soha mutaxassislari, yosh olimlar, mustaqil izlanuvchilar, doktorantlar, magistrantlar hamda talabalar onlayn va oflayn tarzda oʻz ma’ruzalari bilan ishtirok etdi.

Mazkur anjuman xalqaro va mahalliy ekspertlar, siyosatchilar va pedagoglarning hamkorligida oʻtkazilib, yashil iqtisodiyotning dolzarb masalalarini muhokama qilish hamda samarali yechimlarni taklif etishga xizmat qiladi.