Sening kelajaging bugun shu yerda qurildi.

Osiyoda eng yaxshisi bo‘lishdan dunyoda eng yaxshisi bo‘lishga qadar.

Bu — "University of Business and Science" bilan hamkorlik aloqalarini yo‘lga qo‘ygan Malayziyaning nufuzli oliygohlaridan biri — "INTI International University" peshtoqiga yozib qo‘yilgan shior.

Darhaqiqat, INTI universiteti o‘zining innovatsion ta’lim dasturi va ta’lim muhiti bilan tahsinga sazovor natijalarga erishishga ulgurgan. Universitetning yutuqlari kelajakda yangi imkoniyatlar va tajriba almashinuvi uchun maydon yaratishda davom etadi.

Bu yutuqlar biznesdan tortib biotexnologiya muhandisligi yo‘nalishlarigacha bo‘lgan zamonaviy sohalarni o‘z ichiga qamrab oladi. Rasmiy safar davomida INTI universiteti vakillari delegatlarimizni universitet yutuqlari va qator loyihalari bilan tanishtirib chiqdi.

Ikkala tomon ham kelgusida katta loyihalarga asos bo‘ladigan hamkorlik aloqalari o‘rnatilganidan juda ham mamnun. INTI universiteti bilan o'rnatilgan hamkorlik, albatta, ikki universitet o'rtasidagi ta'lim va ilmiy almashinuvlarni rivojlanishiga xizmat qiladi.